петок, 18. јуни 2021. Вести денес: 85
home Вести

Околу 30 домови уништени во шумски пожар во Австралија

Околу 30 домови уништени во шумски пожар во Австралија

Шумскиот пожар кој зафати делови североисточно од Перт, во Западна Австралија, уништи околу 30 домови и се заканува да продолжи, додека локалното население во регионот тврди дека е предоцна за евакуирање.

Пожарот кој избувна вчера зафати земјиште со површина од над 7.000 хектари, во радиус од 75 километри, во близина на градот Вуролу, а погодени се неколку околни места.

Градоначалникот на Свон, Кевин Бејли изрази уверување дека во пожарот се уништени 30 домови, а еден пожарникар е хоспитализиран поради вдишување чад.

Властите во Западна Австралија тврдат дека површината која е зафатена од пожарот, двојно се зголемила во текот на ноќта, а пожарникарите трагаат по евентуални жртви.

ЕУРО 2020

Македонија