Поминаа само 10 дена откако Грасијана да Силва (28) се разболи од коронавирус, до моментот кога почина.

Била сама кога починала во болницата во Рио де Жанеиро, а нејзината мајка Марија да Пенха да Силва Сикиера често размислува за тоа.

– Никогаш не ни падна на ум дека може да и се случи ова. Беше премногу брзо. „Овој вирус не ни дозволува да се збогуваме, рече таа.

Да Силва зад себе остави четиригодишен син, а таа почина во јуни минатата година. Во тоа време, нејзината смрт беше невообичаена.

За време на првиот дел од борбата против коронавирусот во Бразил, постарите лица претежно го сочинуваа мнозинството од оние кои се разболеа и починаа од коронавирус.

Но, од новата година, Бразил влезе во најлошите денови за време на оваа пандемија. Дневниот број на смртни случаи и бројот на заразени ја надмина претходната состојба.

И среде тој наплив, се појави загрижувачка шема – се чини дека повеќе млади луѓе се сериозно болни и умираат од коронавирус, велат лекарите за Си-Ен-Ен.

Прашањето е зошто. Дали новата варијанта инфицира повеќе млади луѓе? Дали младите се однесуваат на таков начин што е поголема веројатноста да се заразат? Дали може да биде комбинација од обете?