среда, 26. февруари 2020. Вести денес: 0
home Вести

Очевидец открива детали за страшната несреќа во која загина голманот со сопругата и синот, чудо го спасило помалото дете

Очевидец открива детали за страшната несреќа во која загина голманот со сопругата и синот, чудо го спасило помалото дете

Фудбалскиот свет остана во шок по трагичната несреќа во понеделникот во која животот го загубија голманот на ФК Витебск Андреј Шербаков, неговата сопруга Ана и шест годишниот син Артем. Неколку дена по несреќата познати се детали за тоа како успеал да се спаси нивниот помал син, три годишниот Хлеб.

Очевидец на несреќата вели дека никој од сведоците не можел да поверува дека во смачканиот автомобил воопшто има некој преживеан.

-Тоа не беше пат, тоа беше лизгалисте. Јас доживеав несреќа, бидејќи автомобилот ми излизга од патот и се преврте. Веднаш повикавме сообраќајна полиција, а луѓето од блиското село ни помогнаа автомобилот, кој беше превртен на покрив, да го вративме на тркала. Меѓутоа штетите се големи, нема поправки, изјавил де белоруски Спутник, Андреј Бобковиќ.

Според него кратко по доаѓањето на надлежните се случила страшната несреќа.

-Буквално две минути по нивното доаѓање, додека инспекторот за сообраќајна полиција ме прашуваше како се чувствувам, по истиот пат од правец кон Минск доаѓаше нивниот автомобил. Премина во спротивната лента и се удри со полна брзина со шлеп-возилото, открива очевидец.

Андреј Шербаков со сопругата и двете деца се враќале од одмор во Египет. Иако преелиминарната истрага вели дека тој не ја преминал дозволената брзина, ледот бил кобен.

-Веднаш отрчавме таму. Тогаш видовме хорор. Ништо не остана од автомобилот. Додека доаѓавме од шлеп-возилото излезе возач и почна да вика „Не го видов. Од никаде се појави“. Навистина се се случи за дел од секунда. А тогаш од смачканото возило се слушна детски плач, вели Бобковиќ.

Во прв момент никој од присутните не смеел да се приближи до уништеното возило. Никој не знаел во каква положба се наоѓа малото дете. Но, тогаш се случило нешто пострашно.

Додека сите биле во шок, ново возило се обидувало да не удри во веќе смачканиот автомобил. За среќа, бил избегнат директен судир со веќе удрените возила и животот на малото момче бил спасен, по втор пат. Возачот успеал да запре навреме.

Семејството било погребано вчера. Шестгодишниот син е погребан во средина меѓу гробот на својот татко и својата мајка.

За клубскиот сајт на ФК Витебск заменик градоначалникот на истоимениот град изјавил дека преживеаното дете наскоро целосно ќе се опорави, а потоа ќе одлучат кој ќе му биде старател.