недела, 16. декември 2018. Вести денес: 33
Во живо

Протестен марш на ВМРО-ДПМНЕ во Велес

home Вести

Новинар убиен среде улица во популарно одморалиште

Новинар убиен среде улица во популарно одморалиште

Мексиканската медиумска куќа „Канал 10“ објави дека во популарното одморалиште Канкун бил убиен нејзин репортер и снимател.

Хавиер Енрике Родригез Ваљадарес е осмиот новинар кој загина во Мексико од почетокот на годинава.

-Семејството на Хавиер Енрике го извести сопственикот на Канал 10 дека вчера тој бил убиен, се наведува во соопштението.

Ваљадарес првенствено бил снимател, но исто така работел и на интервјуа и извештаи за политички прашања, соопшти „Канал 10“.

Според локалните медиуми, тој бил убиен на една од главните улици во градот.

Ваљадарес во последните три месеци е трет убиен новинар во државата Кинтана Ро.

Мексико се смета за една од најопасните земји за новинари. Минатата година во оваа држава беа убиени 17 медиумски работници, а од 2000 година повеќе од 100 новинари биле ликвидирани.