понеделник, 19. октомври 2020. Вести денес: 132
home Вести

Њујорк ќе ја дочека Новата Година на виртуелен начин

Њујорк ќе ја дочека Новата Година на виртуелен начин

Наместо светски познатиот традиционален дочек со илјадници гости на Тајмс сквер, Њујорк поради коронакризата ќе ја слави Новата година на виртуелен начин, соопштија организаторите на 100 дена пред прославата.

„Едно нештo кое нема да се промени е одбројувањето на секундите до 1 јануари. Ќе ни недостигате сите оваа година, но ќе ја донесеме прославата кај сите вас и ќе имате можност да ни се придружите виртуелно. Оваа прослава ќе биде визуелна, виртуелна и безбедна“, се вели во соопштението на организаторите.

Тие велат дека деталите дополнително ќе бидат објавени.

„Новата година значи нов почеток и едвај чекаме да ја прославиме“, изјави градоначалникот Мајк де Блазио.

Коронавирус