среда, 22. август 2018. Вести денес: 0
home Вести

Невидена бруталност на полицијата: Прво нокаутира девојка со бокс, потоа ја давеше со пендрек, па ја патосираше (ВИДЕО)

Невидена бруталност на полицијата: Прво нокаутира девојка со бокс, потоа ја давеше со пендрек, па ја патосираше (ВИДЕО)

На едно неодамна објавено видео се гледа како холандски полицаец тепа девојка пред ноќен клуб во Ротердам.

Полицијата вели дека биле повикани во неименуваниот ноќен клуб затоа што парот во пијана состојба го нападнал обезбедувањето.

Видео снимката од посматрачите покажува група полицајци како ставаат лисици на човек кој потоа го водат во колата. Млада жена, наводно девојка на уапсениот, доаѓа до еден од полицајците и почнува да се расправа со него. Тој и неговата колешка ја буткаат жената која се заплеткува и паѓа на грб.

Додека минувач и помагаше да стане на неа и пријде полицаец на кого девојката му удира шамар. Следат два брутални удари во глава. Таа повторно паѓа и момчето со црвен шешир се обидува да го бутне полицаецот, кој исто така се обидува да го удри. Обезбедувањето ги предупредува насобраните момчиња да си заминат.

Подигнувајќи ја жената од земја, полицаецот ја влече до полицискиот автомобил. Според соопштението на полицијата во Ротердам, жената и нејзиното момче се уапсени откако го нападнале обезбедувањето во клубот, кои поднеле кривична пријава против нив.

Полицијата во Ротердам вели дека покренала и внатрешна истрага за однесувањето на службеникот.