среда, 19. јануари 2022. Вести денес: 65
home Вести

Напад на ИД во курдскиот дел од Ирак, најмалку петмина загинати

Напад на ИД во курдскиот дел од Ирак, најмалку петмина загинати

Милитантите на Исламска држава убиле еден цивил и четворица членови на Пешмерга, армијата на регионот Курдистан, автономен регион во северен Ирак, соопштија безбедносни извори.

Британските медиуми наведуваат дека нападот се случил во близина на селото Кара Салем.

Регионалното министерство за Пешмерга соопшти дека во нападот има жртви, но не прецизираше за колкав број станува збор.

Извор од ирачката полиција изјави дека безбедносните сили се мобилизирани да им помогнат на Пешмерга.

Во одделен напад во северен Ирак, милитантна група го зазеде селото Лухаибан.

Двете села се наоѓаат во оддалечен регион за кој право полагаат и владата во Багдад и регионот Курдистан.

Во оваа област Исламската држава редовно изведува вооружени напади.

Коронавирус