четврток, 21. октомври 2021. Вести денес: 185
home Вести

Најсиромашните земји вакцината ќе ја добијат дури во 2024 година

Најсиромашните земји вакцината ќе ја добијат дури во 2024 година

Програмата Ковакс на Светската здравствена организација е главната глобална шема за вакцинирање на луѓето во земјите со ниски и средни примања ширум светот против коронавирусот и има за цел до крајот на 2021 година да достави најмалку две милијарди дози вакцини, покривајќи 20 проценти од најранливите земји, главно во Африка, Азија и Латинска Америка.

Британските медиуми наведуваат дека поборниците на планот тврдат дека програмата се соочува со недостаток на средства, ризик за снабдување и сложени договори, што може да го оневозможат остварувањето на нејзините цели.

Во интерниот извештај на управниот одбор на компанијата Гави, која заедно со СЗО ја води програмата Ковакс, се наведува дека ваквиот неуспех може луѓето во сиромашните земји да ги остави без пристап до вакцини против Ковид-19 до 2024 година.

Во извештајот уште се наведува дека „ризикот од неуспех е голем бидејќи шемата е поставена многу брзо и на неистражена територија“. (МИА)

Локални избори 2021