сабота, 23. октомври 2021. Вести денес: 125
home Вести

Мосад тврди дека Иран повеќе не е непосредна закана за Израел

Мосад тврди дека Иран повеќе не е непосредна закана за Израел

Повикувајќи се на извори од Мосад, американскиот весник Њујорк Тајмс наведува дека Иран повеќе не е никаква моментална и директна закана за Израел поради епидемијата на болеста Ковид-19 затоа што Исламската Република го пренасочила вниманието кон борбата против смртоносната болест.

И покрај тврдењата во написот, канцеларијата на весникот во Бејрут соопшти дека израелското Министерство за одбрана и понатаму се фокусира на движењето на Хезболах во Либан и Сирија.

Весникот цитира добро информирани извори, кои велат дека избувнувањето на заразата со коронавирусот во Израел го натерал Мосад да се соочи со епидемијата внатре во земјата преку набавка на медицинска опрема и технологија од странство.

Во извештајот Мосад е опишан како „израелското не толку тајно оружје во борбата против коронавирусот“.

Исто така се наведува дека разузнавачката агенција, откако дошла до заклучокот дека Иран не е моментална закана, станала една од најважните институции на кои се потпира Израел во набавката на медицинска опрема и производна технологија.

Локални избори 2021