понеделник, 17. февруари 2020. Вести денес: 0
home Вести

Морбидно: По смртта на доктор кај него дома најдени над 2000 фетуси (ВИДЕО)

Морбидно: По смртта на доктор кај него дома најдени над 2000 фетуси (ВИДЕО)

Остатоци од повеќе од 2.000 фетуси се пронајдени во домот на американски лекар во Илиноис по неговата смрт, соопшти тамошната полиција.

Семејството на д-р Улрих Клофер ги открило остатоците кога влегла во неговиот дом по неговата смрт на 3-тисептември.

Д-р Клофер имал клиника во Саут Бенд, Индијана, која е затворена откако му била одземена лекарската лиценца во 2016 година.

Тој бил обвинет дека не пријавил на властите абортус што бил извршен врз 13-годишно девојче.

Лекарот рекол дека не изгубил пациент во 43 години колку што правел абортуси.

„Жените забременуваат, мажите не“, рекол д-р Клофер на сослушувањето, пренесува „Њујорк Тајмс“.

„Мора да ја почитуваме одлуката за која жените мислат дека е најдобра за нив. Не е моја работа да му кажам на никого. Ниту да судам“, рекол тој.

Властите откриле остатоци од вкупно 2.224 фетуси кои се земени од патологот, а истрагата е во тек.