четврток, 28. октомври 2021. Вести денес: 26
home Вести

Монструмот од Загреб се бранел со молчење, не кажал ништо зошто си ги убил трите деца

Монструмот од Загреб се бранел со молчење, не кажал ништо зошто си ги убил трите деца

Австриецот Харалд Копиц, (56) осомничен за убиството на своите три деца минатиот викенд во Загреб станува свесен за неговите безмилосни потези и целата ситуација во која се наоѓа. Барем така тврди Марко Ивица, бранителот на Копиц по службена должност и кој беше со него на првото сослушување во понеделникот напладне, третиот ден по свирепото злосторство, во седиштето на Криминалната полиција.

– Харалд Копиц не ја претстави својата одбрана на рочиштето. Во оваа фаза од постапката тој се бранеше со молчење и откривање само на неговите лични податоци. Но, процесот допрва започнува. Обвинетиот е ментално стабилен, иако може да се каже дека тој е всушност варијабилно стабилен. Го научија за своите права и само кога ќе го видиме досието ќе формираме одбрана. Чекаме одлука за сослушување во обвинителство, а потоа и за притвор. После тоа, ќе одам да го посетам во следните неколку дена во затворот Реметинец за да разговарам и да ја подготвам одбраната. Поради тајноста на постапката, не можам да зборувам за други работи, ниту за динамиката од фактичкиот опис на злосторството, туку само да потврдам дека тој е обвинет за три тешки убиства – изјави адвокатот на Копиц, Марко Ивица, кој пред новинарите објасни дека нему му се паднала картата да му биде бранител, со оглед на зачуденоста што Копиц не ангажирал ниту еден свој пријател адвокат.

Тој додаде дека следниот потег, откако Копиц првпат бил приведен, бил форензички експерт за да утврди каков бил всушност Копиц во времето на злосторството, осврнувајќи се на неговата ментална состојба и можната (не) одговорност.

Локални избори 2021