недела, 27. септември 2020. Вести денес: 0
home Вести

Могерини бара повеќе одговорност од членките на ЕУ кога се во прашање мигрантите

Могерини бара повеќе одговорност од членките на ЕУ кога се во прашање мигрантите

Шефицата на европската дипломатија Федерика Могерини денеска изрази  желба земјите-членки на Европската унија да преземат „повеќе одговорности”, за да се најде решение на сложеното прашање со прифаќањето на мигранти, кои биле спасени во Средоземното Море во рамки на мисијата „Софија”.

– Иако проблемот е комплексен, мислам дека ќе биде добро земјите-членки да преземат повеќе одговорности за решавање на спорот околу прифаќањето мигранти на европските пристаништа, изјави Могерини по пристигнувањето во Виена на неформалниот состанок на министрите за одбрана на земјите-членки на ЕУ.

На средбата ќе се разговара за можни промени на начинот на кој мисијата „Софија“ во моментов функционира, пренесува БТА. Сега мисијата е под италијанска команда и предвидува спасените мигранти да бидат прифатени во италијански пристаништа, но Владата во Рим инсистира мигрантите да бидат прифатени и во пристаништа на други држави.

На крајот од минатиот месец, Италија соопшти дека им дава пет недели на европските партнери да најдат решение на прашањето со прифаќање мигранти и се закани дека ако не се најде решение, во целост ќе престане со спасувачките операции.

Могерини информираше дека во текот на изминатите недели се воделе преговори, но „не е постигнат договор“. Таа истакна дека тоа е прашање кое не може да се игнорира.

Италија најави дека на состанокот ќе ја брани идејата за ротација на приемот на мигрантите во европските пристаништа во рамки на мисијата „Софија“.

Коронавирус