петок, 14. мај 2021. Вести денес: 0
home Вести

Меѓу првите во светот по вакцинација, а рушат рекорди по број на заболени: Што се случува во Чили?

Меѓу првите во светот по вакцинација, а рушат рекорди по број на заболени: Што се случува во Чили?

Чилеанскиот министер за здравство, Енрике Париз, имаше мрачен тон во последните денови на неговите дневни прес конференции. Бројот на пациенти на дневна основа го сруши рекордот на 9 април, кога беа забележани повеќе од 9 000 случаи. Претходниот рекорд беше поставен во средината на јуни минатата година, кога за еден ден беа регистрирани нешто помалку од 7.000 случаи.

– Ова е загрижувачко. Ние сме во критичен дел од пандемијата. Ве молиме, грижете се за себе и за своите најблиски – рече Парис, пренесува Би-Би-Си.

Единиците за интензивна нега се преполни, границите се затворени по втор пат за сите нерезиденти во Чиле, а повеќе од 18 милиони жители се во блокада.

– Ми се чини дека одиме обратно. Потребни ни се дозволи за да ја напуштиме куќата и тоа можеме да го правиме само двапати неделно, да одиме да купиме храна или да одиме на лекар – вели Софија Пинто од Сантијаго.

Граѓаните се огорчени и збунети поради новата блокада, затоа што пред само два месеци, претседателот Себастијан Пинера изјави дека Чиле е една од најуспешните земји во светот според бројот на вакцинирани.

Критичарите ја обвинуваат владата дека е „премногу среќна“ за вакцините и се движи премногу брзо за да ги олесни мерките. Како и многу влади низ целиот свет, чилеанските министри мораа да донесуваат тешки одлуки.

Коронавирус