петок, 13. декември 2019. Вести денес: 124
home Вести

Маж убил див зајак и го изел- заболел од чума

Маж убил див зајак и го изел- заболел од чума

Кинеските власти денеска соопштија дека е потврден трет случај на чума во земјата. Болеста е дијагностицирана кај маж кој убил и изел див зајак.

Кај 55-годишниот маж од руралната област Шилингол дијагностицирана е бубонска чума и тој е во болница во градот Хуаде. Според болнички извори со заразениот контакт имале 28 лица, поради што и тие се сместени во карантин, но ниту еден од нив нема симптоми на чума.

Кај две лица од истата област на 12 ноември дијагностицирана е пневмонична чума и се хоспитализирани во Пекинг.

Во април две лица починаа од чума што ја добиле откако јаделе суров бубрег од мрмот, што по традиција се смета дека го подобрува здравјето.

Чумата може да биде смртоносна во 90 отсто од слуачите ако не се лекува, првенствено со различни видови антибиотици.