четврток, 21. ноември 2019. Вести денес: 63
home Вести

Масакр во луксузно одмаралиште: Пет лица се убиени, полицијата пронајде шест ранети (ВИДЕО)

Масакр во луксузно одмаралиште: Пет лица се убиени, полицијата пронајде шест ранети (ВИДЕО)

Уште еден од повредените почина со што  бројот на жртви на вооружен напаѓач порасна на пет.

Пет лица се убиени и шест ранети во популарен бар во мексиканскиот град Акапулко, што е уште еден во низата насилни инциденти во некогашното гламурозно одморалиште на брегот на Тихиот Океан.

Обвинителството на државата Гереро соопшти дека жртвите биле жители на Акапулко и оти е уапсен еден осомничен.

Форензичарите на местото на злосторството пронашле 21 чаура.

Локалните медиуми јавија дека нападот се случил во локалот „Мистер бар“ кој се наоѓа во таканречената златна зона, на една од широките градски авении, спроти луксузни хотели на брегот.

Полицијата испрашала сведоци за да утврди дали се работи за напад или караница меѓу гости.

Локалните власти неколку дена претходно во Акапулко покренаа безбедносна операција на почетокот од туристичката сезона.

Во државата Гереро и Акапуко е регистриран пораст на насилството и бројот на убиства, што е причина за пад на бројот на туристи во градот кој некогаш беше многу популарна дестинација меѓу холивудскиот џет сет.