понеделник, 23. септември 2019. Вести денес: 0
home Вести

Лондонските аеродроми нарачаа воена опрема за заштита од дронови

Лондонските аеродроми нарачаа воена опрема за заштита од дронови

Лондонските аеродроми „Гетвик“ и „Хитроу“ нарачаа воена опрема за заштита од дронови, вредна неколку милиони фунти, откако неодамна се случија инциденти со овие беспилотни летала, поради што воздушниот сообраќај во неколку наврати беше во прекин, објави „Тајмс“.

Весникот наведува дека министерот за сообраќај Крис Грејлинг во врска со тоа прашање разговарал со раководството на полицијата, авијацијата и одбраната.

Аеродромските власти не ги коментираат овие наводи.

Инцидентите со дронови, поради кои минатиот месец на аеродромот „Гетвик“ беа нарушени плановите за патување на неколку илјади луѓе во пресрет на Божик, укажаа на ранливоста на воздушниот сообраќај.