недела, 29. ноември 2020. Вести денес: 84
home Вести

Либиски новинар осуден на 15 години затвор

Либиски новинар осуден на 15 години затвор

Воениот суд во источниот дел на Либија го осуди новинарот Исмаил Бузриба ал Звеј на 15 години затвор поради кривични дела поврзани со тероризмот.

Невладините организации и групи за заштита на човековите права протестираа поради пресудата на Звеј, додека локалните правници пресудата ја оценија како порака од која „се смрзнува крвта“, истакнувајќи дека новинарите во источна Либија, што е под контрола на генерал Калифа Хафтар, работат во најсурови услови.

И мисијата на Обединети нации во Либија изрази загриженост поради апсењето и судењето на Звеј, истакнувајќи оти со тоа се кршат либиските и меѓународните закони и побара негово ослободување.

Звеја (39) првпат беше уапсен од припадниците на безбедносните служби во 2018 година додека известувал за настан во родниот град Аџабија, под обвинение дека работи за Ал Наба, приватна телевизија, која емитува програми од Турција и се смета дека е поврзана со исламските терористи. (MИА)

Коронавирус