понеделник, 6. јули 2020. Вести денес: 276
МЕГА БОМБА

Нова аудио бомба: Се гледам со Вице, дадоа зелено светло да му се зaпaли колата, Трајче Заев даде црвен картон да не работи ништо

home Вести

Коронавирусот го зголеми и бројот на смртни случаи од предозирање

Коронавирусот го зголеми и бројот на смртни случаи од предозирање
Overdose drug addict lay down on floor with a syringe near his hand

Од почетокот на пандемијата, бројот на смртни случаи поврзани со предозирање со наркотици е значително зголемен во Канада, покажуваат податоците објавени во оваа земја, пренесува „Блиц“.

Јавен службеник во провинцијата Онтарио, задолжен за истражување на насилна или сомнителна смрт, проценува дека бројот на предозирање се зголемил за 25 проценти во последните три месеци.

Во канадската провинција Британска Колумбија, бројот на смртни случаи предизвикани од предозирање „скокна“ за дури 40 проценти во однос на истиот период минатата година.

-Драматично, слични трендови се пријавуваат ширум Канада, рече Тереза ​​Тем, главен извршен директор на канадската агенција за јавно здравје.

Шефот на јавното здравство во Британска Колумбија, Бони Хенри, на неодамнешната прес-конференција, во солзи рече дека бројот од 170 смртни случаи поврзани со предозирање во мај бил поголем од бројот на смртни случаи предизвикани од коронавирусот во таа провинција.

„Ковид-19 не е наша единствена здравствена криза“, рече Хенри.

Се проценува дека изолацијата, потешкиот пристап до институциите кои им помагаат на зависниците и здравствениот приоритет даден на Ковид-19 се причините за зголемувањето на случаите на предозирање од почетокот на пандемијата.

Парламентарни избори 2020