петок, 18. јуни 2021. Вести денес: 63
home Вести

Коронавирусот драстично ги зголеми приходите на Гугл

Коронавирусот драстично ги зголеми приходите на Гугл

Компанијата Гугл информира за скок на приходите и профитот во четвртиот квартал на 2020 година благодарение на силниот раст на приходите од дигиталното рекламирање во време на пандемијата на коронавирус.

Компаниите во секторите за патувања и забава ги намалија трошоците за рекламирање во пандемијата во 2020 година, но тој пад беше скоро целосно неутрализиран со трошењето во малопродажба и други сектори кои повеќе го користеа Интернетот поради ограничувањата поврзани со Ковид-19.

„Алфабет“, фирмата- мајка на Гугл ги зголеми приходите во последните три месеци од минатата година за 23 проценти, на рекордни 56,9 милијарди долари. Нето-профитот скокна за 43 проценти, на 15,2 милијарди долари.

Рекламниот бизнис на Гугл, вклучувајќи го и Јутјуб, учествуваше со 81 процент во приходите на Алфабет во последните три месеци од 2020 година.

Гугл остварува повеќе приходи од рекламирање преку Интернет од која било друга компанија во светот, но Амазон станува се поголем ривал, а компаниите насочени кон Кина, како Алибаба, побрзо закрепнуваат кога е во прашање пандемијата.

ЕУРО 2020

Македонија