сабота, 23. јануари 2021. Вести денес: 14
home Вести

Контроверзниот закон во Турција стапи на сила: Високи казни за Твитер, Фејсбук, Инстаграм..

Контроверзниот закон во Турција стапи на сила: Високи казни за Твитер, Фејсбук, Инстаграм..

Турција денес го изрече првиот пакет високи казни на големите социјални мрежи, вклучувајќи ги Твитер, Фејсбук и Инстаграм, за непочитување на контроверзниот закон кој значително ја зајакнува владината моќ над тие платформи.

„Казната од 10 милиони турски лири (скоро еден милион евра) е изречена на социјалните мрежи, вклучувајќи ги Фејсбук, Инстаграм, Твитер, Перископ, Јутјуб и ТикТок, кои не назначија претставник по истекот на законскиот рок“, објави заменик министерот за транспорт и инфраструктура Омер Фатих Сајан.

Закон што значително ја зајакна контролата на владата врз социјалните мрежи стапи на сила во октомври.

Според новиот закон, социјалните мрежи со повеќе од милион уникатни врски на ден, како што се Твитер и Фејсбук, мора да имаат застапник во Турција и да се придржуваат до судовите кои бараат отстранување на одредена содржина во рок од 48 часа.

Во случај на неусогласеност, платформите ризикуваат казни до 30 милиони турски лири, или три милиони евра, забрана за приходи од рекламирање и нагло намалување на нивниот обем.

И покрај заканата од санкции, скоро сите социјални мрежи досега одбија да ги почитуваат мерките предвидени со закон, сметајќи дека тоа може да доведе до цензура.

Според професорот по право Јаман Акдениз, само руската платформа Вконтакте се согласила да назначи претставник во Турција.

Турската влада веќе внимателно ги следи Твитер и Фејсбук, а бројни тужби за „навреда на шефот на државата“ или за „терористичка пропаганда“ се покренати врз основа на обични твитови.

Во 2019 година, Турција блокираше пристап до 408 000 веб-страници, 40 000 твитови, 10 000 снимки на ЈуТјуб и 6200 споделувања на Фејсбук, според извештајот на Здружението за слобода на изразување.

Коронавирус