четврток, 22. април 2021. Вести денес: 37
home Вести

Кина доставува бесплатно вакцини во 69 земји

Кина доставува бесплатно вакцини во 69 земји

Властите во Кина со бесплатни вакцини за коронавирусот снабдуваат 69 земји и ги продаваат на 43 други, изјави министерот за надворешни работи Ванг Ји.

Пекинг вети дека ќе обезбеди 10 милиони дози вакцини, главно на земјите во развој, преку програмата „Ковакс“.

– Вакцината е најмоќното оружје против коронавирусот, што дава надеж за спасување животи“. Кина ја прогласува достапноста на вакцината за глобално јавно добро – рече тој.

Кина работи со повеќе од 10 земји за заеднички развој и производство на вакцини, привлекувајќи повеќе од 100.000 волонтери.

– Подготвени сме, заедно со странски партнери, да го разгледаме прашањето за заемно признавање на вакцинацијата и заеднички да развиеме конкретен план за ова – рече министерот.

Кинеските власти обезбедија вакцини за коронавирусот на мировниците на ООН и се подготвени да обезбедат материјали за Меѓународниот олимписки комитет и учесниците.

Кинескиот дипломат истакна дека Пекинг е желен да помогне во вакцинирањето на земјите во развој. Неговата земја нема за цел да се натпреварува по ова прашање на меѓународната сцена, бидејќи најважно е производот да биде безбеден и сигурен.

Кинеските власти продолжуваат да работат активно со други земји за објавување на конечна победа над пандемијата. Пекинг е подготвен да им помага на другите земји се додека заразата не исчезне целосно.

– Солидарноста е сила, а упорноста ќе ни донесе победа – заклучи Ванг Ји.

Коронавирус