среда, 2. декември 2020. Вести денес: 7
home Вести

Кина без починати од Ковид-19 цели три недели

Кина без починати од Ковид-19 цели три недели

Здравствените власти во Кина, каде избувна пандемијата на новиот коронавирус, денеска пријавија само еден новоинфициран случај. Веќе три недели во земјата пак, нема нови смртни случаи како последица од Ковид-19.

Националната здравствена комисија соопшти дека 395 луѓе се на лекување во болница, додека 949 се наоѓаат во изолација и се под надзор како сомнителни или по позитивно тестирање, иако немаат никакви симптоми.

Најновите бројки доаѓаат во момент кога Кина возвраќа на обвинувањата од американскиот државен секретар Мајк Помпео и од останатите во администрацијата дека пандемијата можеби е создадена во лабораторија во централнокинескиот град Вухан, каде вирусот првпат е откриен во декември минатата година.

Светската здравствена организација ја поддржа Кина во отфрлање на обвинувањата и поголемиот број стручњаци веруваат дека вирусот природно се развил кај лилјаците и преминал на луѓето преку други животни, најверојатно од панголини, кои се продаваат на пазарите за животни, вклучувајќи го и оној во Вухан, кој е означен како потекло на пандемијата.

Кина пријави 4.633 починати и 82.881 заразени од коронавирусот, но изгледа оти строгите правила за патување, тестирањето, карантинот и пријавувањето на сомнителни случаи и топлото време го запреа вирусот.

Коронавирус