петок, 27. ноември 2020. Вести денес: 158
home Вести

Ким најави нова најсофистицирана болница во Северна Кореја

Ким најави нова најсофистицирана болница во Северна Кореја

Севернокорејскиот лидер Ким Џонг-ун денеска положи камен-темелник за изградба на нова болница, истовремено признавајќи дека во земјата недостасуваат современи медицински институции.

– Клучно е државните напори да бидат насочени кон подобрување на јавното здравје… Модерната општа болница треба да биде завршена до 75-годишнината од формирањето на Работничката партија, што ќе се обележи во октомври, посочи Ким.

Тој додаде дека во Пјонгјанг има неколку модерни болници, но оти новата ќе биде најсофистицирана во Северна Кореја.

Според податоци на Светска здравствена организација во Северна Кореја има 135 општи и други болници.

Експертите предупредуваат дека епидемијата на новиот коронавирус во Северна Кореја би можела да има катастрофални последици по земјата поради хроничниот недостиг на медицинска опрема и застарената болничка инфраструктура.

Коронавирус