недела, 17. ноември 2019. Вести денес: 51
Во живо

Годишна конференција на УМС: Младите за обнова на Македонија

home Вести

Јапонија со закон забранува физичко казнување на деца

Јапонија со закон забранува физичко казнување на деца

Јапонскиот Парламент денеска усвои закон, со кој им се забранува на родителите и другите старатели да применуваат физичко казнување врз децата.

Според усвоените амандмани, кои стапуваат во сила на 1 април следната година, се воведува целосна забрана за физичко казнување на малолетници, но во документот не се предвидени парични казни за прекршителите.

Локалните власти ќе бидат задолжени да ги едуцираат родителите за негативностите од употреба на насилни методи при воспитувањето.

Социјалните работници, согласно новиот закон, ќе имаат пошироки права да „интервенираат“ во случаи на семејно насилство врз децата.

Минатата година, јапонската полиција им пријавила на социјалните служби повеќе од 80.000 случаи на физичко или психичко насилство врз малолетни лица.

Ова е рекорден број за целиот период откако се водат такви статистички податоци.