недела, 15. септември 2019. Вести денес: 12
home Вести

Израел одобри извоз на канабис за медицински цели

Израел одобри извоз на канабис за медицински цели

Израелската Влада денеска одобри извоз на канабис во медицински цели, јави ДПА.

Израелското Министерство за здравство соопшти дека „по долг период на сериозни дискусии и внимателно анализирање“, решило да препорача да се дозволи извоз на канабис за медицински цели во земјите во кои е легална неговата употреба.

Израел е еден од светските лидери во истражување и одгледување на канабис за медицински цели, како и во производството на лекови на база на марихуана.

Денешната одлука на Владата, што ќе стапи во сила на 1 април, ќе создаде услови за отворање нови пазар за израелските фирми, со што се очекува зголемување на инвестициите во земјоделството и отворање нови работни места.

Владата проценува дека извозот на канбанис за медицински цели може да му донесе приход на Израел од една милијарда шекели (околу 272 милиони долари).