вторник, 18. јануари 2022. Вести денес: 111
home Вести

Израел ги затвора границите поради новиот сој на коронавирус

Израел ги затвора границите поради новиот сој на коронавирус

Израел соопшти дека ќе забрани влез на сите странци поради ширењето на новата варијанта на коронавирусот – омикрон, првпат откриена во Јужноафриканската Република.

Мерката ќе трае 14 дена, а ќе стапи во сила на полноќ, 29 ноември. Израел станува првата земја која целосно ги затвори своите граници поради варијантата омикрон. Во земјата веќе е евидентиран еден случај од овој сој и за уште седум се чекаат конечни резултати. Премиерот Нафтали Бенет денеска рече дека забраната е „тежок чекор, но привремен и неопходен“.

Покрај затворањето на границите, властите ќе почнат да ги следат луѓето заразени со новата варијанта на вирусот преку технологија за следење телефон што се користи вообичаено за борба против тероризмот.

Вакцинираните израелски граѓани ќе треба да приложат ПЦР тест и да бидат ставени во карантин три дена, а невакцинираните седум дена. Одлуките беа објавени неколку часа пред еврејскиот празник Ханука – „Празникот на светлинината“, кој трае осум дена и е проследен со многу собири и прослави.

Коронавирус