петок, 27. ноември 2020. Вести денес: 114
home Вести

Избегната трагедија: Тинејџери спасија дете што висеше на височина од шест метри (ВИДЕО)

Избегната трагедија: Тинејџери спасија дете што висеше на височина од шест метри (ВИДЕО)

Ски-излетот на планина во близина на Ванкувер, Канада, за малку ќе завршеше трагично за осумгодишното момче кое падна од ски-лифт и остана да виси на височина од шест метри, според Си-ен-ен.

Неговиот татко успеал да го фати, но не можел да го повлече назад, па исплашеното момченце останало да виси во воздух. За среќа, во близина имало група тинејџери кои брзо реагирале и им дошле на помош.

„Тој беше многу исплашен и почна да крева паника”, раскажа за локалните медиуми еден од спасувачите, 14-годишниот Џејмс Мекдоналд.

Додека другите скијачи само набљудувале што се случува, Џејмс и неговите пријатели ја грабнале заштитната мрежа од една ограда и ја спростреле под момчето. Прво, тие побарале да ги симне скиите за да не се повреди во текот на падот, а потоа го замолиле неговиот татко да им верува и да го пушти момчето.

Кога го пуштил, момчето паднало во мрежата  без да се повреди, но за секој случај било упатено на лекар.

Раководителот на ски-центарот им се заблагодарил на младите херои за брзата реакција и спасувањето на момчето и ги награди со бесплатни билети.

Коронавирус