вторник, 26. јануари 2021. Вести денес: 104
home Вести

Италијански експерт: До Божик ќе се преполови бројот на заразените

Италијански експерт: До Божик ќе се преполови бројот на заразените

Бројот на починати од последиците на Ковид-19 во Италија, 11 месеци од почетокот на пандемијата, надмина 50.000, а само во последните 24 часа е зголемен за 630 нови жртви на инфекцијата, јави агенцијата Анса.

Вкупниот број заразени од почетокот на пандемијата е еден милион и 400 илјади.

Бројот на новозаразени опаѓа во последните десет дена, а експертите велат дека тоа е резултат на строгите мерки наметнати од Владата на премиерот Џузепе Конте.

Роберто Батистон, професор по физика на Универзитетот во Тренто, изјави дека новиот бран во Италија ќе го достигне својот врв помеѓу 26. и 27 ноември во Италија, а бројот на заразени, во моментов 830.000, на Божик ќе се намали за половина.

Според математичка пресметка за развојот на пандемијата, достигнат е врвот на хоспитализирани пациенти во италијанските болници, вкупно 38.200.

Научниот советник на министерот за здравство, професор Валтер Рикарди, рече дека е потребно да се продолжи со ограничување на движењето што е можно повеќе, барем уште еден месец, со цел да се зачуваат резултатите постигнати со примена на мерките.

Коронавирус