петок, 4. декември 2020. Вести денес: 4
home Вести

Италија во четири етапи ќе активира различни сектори од економијата

Италија во четири етапи ќе активира различни сектори од економијата

Излезот од вонредните мерки поради коронавирусот во Италија ќе биде спроведен во четири фази, при што првата ќе почне в понеделник, 27 април, објавија италијанските медиуми, но Владата се уште нема ништо официјално соопштено.

Четири понеделника по ред ќе го утврдат темпото на деблокада на земјата по изолацијата, воведена на 9 март, за да се спречи ширењето на Ковид-19, пишува весникот „Кориере дела сера“.

– Се ќе зависи од кривата на зараза, и доколку таа не се зголемува, дел од фабриките ќе можат да продолжат со работа на 27 април, наведува весникот.

Доколку нема изненадувања, градежништвото, текстилната и модната индустрија ќе почнат да функционираат на 4 мај.

Следниот понеделник, 11 мај, ќе се отворат продавници за облека и обувки, проследени со други продажни места.

Во четвртиот понеделник, 18 мај, ќе биде ред за отворање на барови, ресторани и фризерски салони.

Коронавирус