понеделник, 25. јануари 2021. Вести денес: 16
home Вести

Истражување: Словенија и Хрватска меѓу земјите со најмало влијание во ЕУ

Истражување: Словенија и Хрватска меѓу земјите со најмало влијание во ЕУ

Според истражувањето на Европскиот совет за надворешни работи, со седиште во Лондон и фондацијата „Штифунг Меркатор“ со седиште во Есен, највлијателни држави во ЕУ се Германија, Франција, Велика Британија и Холандија, додека Словенија и Хрватска се најмалку влијателни.

Словенија и Хрватска се на 25 место кога е во прашање нивното општо влијание во ЕУ, каде местото го делат со Бугарија и Малта, но кога станува збор за тоа кои земји имаат влијание врз политиката на Унијата, балканските држави, исто така, се на 25 место заедно со Летонија и Малта.

Резултатите од истражувањето покажуваат дека Германија е најдобар партнер во донесување на политички одлуки, а потоа следат Франција и Италија.

Европскиот совет за надворешни работи го подготви извештајот врз основа на прашања поставени на 877 експерити од медиумите, владите и институциите од сите земји-членки на Унијата, „активни во политиката на ЕУ“.

Иако Словенија е меѓу државите кои имаат најмало влијание во ЕУ, таа добро се пласира кога станува збор за заложбите за поголема интеграција во ЕУ, каде е на 14 место. Исто така, Словенија е најактивна во заедничката политика за азил, единствената фискална политика, единствениот пазар и единствено набљудување на евро зоната.

Истражувањето покажа дека Унгарија е земја која „најмногу разочарува“, додека Словенија е на 16 место, како една од земјите кои најмалку разочарале во изминатите две години.

МИА

Коронавирус