среда, 14. ноември 2018. Вести денес: 76
home Вести

Иран ги обвини исламистичките сепаратисти за нападот во Ахваз

Иран ги обвини исламистичките сепаратисти за нападот во Ахваз

Иранските власти денеска соопштија дека нападот врз воената парада во западниот град Ахваз бил извршен од страна на специјална единица на исламистички сепаратисти кои веќе дејствуваат во овој дел од земјата.

– Ги идентификувавме петте членови на специјалната терористичка единица, поврзани со такфирски сепаратисти, а поддржани од реакционерни арапски држави, соопшти иранското Министерство за внатрешни работи.

Најмалку 24 лица, меѓу кои и жени и деца кои излегле да ја проследат парадата, беа убиени, а десетици ранети кога неколкумина напаѓачи отворија оган од оружје, што претходно го скриле во близина на булеварот низ кој марширала единица на иранската Револуционерна гарда.

Овој дел на Иран е богат со нафта, а има и сунитско арапско малцинство, меѓу кое и порано дејствувале сепаратистички групи.