среда, 14. ноември 2018. Вести денес: 76
home Вести

Иран бара од Меѓународниот суд на правдата да влијае врз САД

Иран бара од Меѓународниот суд на правдата да влијае врз САД

Адвокатите на Иран ќе побараат од Меѓународниот суд на правдата (ИЦЈ) во Хаг да им нареди на САД да ги повлечат санкциите воведени од администрацијата на претседателот Доналд Трамп кон Техеран.

Во тужбата поднесена во судот во Хаг се посочува дека санкциите, кои и штетат на слабата иранска еконимија, ги кршат одредбите на малку познатиот Договор за пријателство, постигнат во 1955 година помеѓу Иран и САД.

САД на тужбата официјално ќе одговорат утре, со устни аргументи, а се очекува еден од аргументите да биде дека судот на Обединети нации не може да биде надлежен, бидејќи Договорот за пријателство повеќе не е валиден и дека санкциите не го нарушуваат.

Сослушувањето ќе трае четири дена, а одлуката ќе биде донесена за еден месец.

(Миа)