понеделник, 17. мај 2021. Вести денес: 154
home Вести

Интензивната нега во Белгија под огромен притисок, зафатени 96 отсто од креветите

Интензивната нега во Белгија под огромен притисок, зафатени 96 отсто од креветите

Помалку од еден кревет е слободен на одделите за интензивна нега во белгиските болници, предупреди Министерството за здравство.

Според статистиките на министерството, 96 отсто од креветите на интензивна нега во цела држава се зафатени, само 86 се слободни, што претставува помалку од еден кревет по болница.

И покрај охрабрувачките трендови во другите области како новозаразените, болниците во земјата се под огромен притисок, но не само поради Ковид-19, објаснуваат здравствените власти.

Проблемот е што бројот на пациенти што излегуваат од болница не го надоместуваат бројот на пациенти што влегуваат, а пикот на пациенти на интензивна нега сѐ уште не е постигнат, велат од министерството за здравство. Поради ова некои операции кои не се поврзани за коронавирусот се одлагаат, а земјата не може да додаде нови кревети поради тоа што нема доволно персонал.

Здравствените работници во Белгија една година апелираат на поддршка и разбирање бидејќи работат со максимален капацитет.

Коронавирус