четврток, 28. октомври 2021. Вести денес: 187
Во живо

Централен митинг на ВМРО-ДПМНЕ во Скопје

home Вести

Хонгконг: Разговорот со демонстрантите без напредок

Хонгконг: Разговорот со демонстрантите без напредок

Лидерката на Хонгконг, Кери Лам изјави дека се сретнала и разговарала со група млади луѓе за протестите кои се случуваат во тој кинески град, но нема напредок ниту по едно барање од демонстрантите.

Лам истакна дека на затворениот состанок денеска го објаснила ставот на Владата за петте барања на протестното движење.

Таа ги оспорила критиките дека нејзината влада ги игнорира демонстрантите, чии барања вклучуваат демократски избори, откажување од обвинувањата против уапсените демонстрани и независната истрага за употреба на прекумерна сила од страна на полицијата.

– Не станува збор за нереагирање, туку се поставува прашањето за неприфаќање на тие барања, истакна Лам.

Во Хонгконг повеќе од два месеца траат протести во кои учествуваат главно млади луѓе.

Над 80 лица се уапсени минатиот викенд кога демонстранти ги окупираа градските улици, поставија барикади и фрлале цигли и молотови коктели во судирите со полицијата.

Лам минатата недела најави платформа за дијалог во која ќе бидат вклучени и демонстрантите, додека опозициските лидери ја доведоа во прашање искреноста на нејзината иницијатива, нарекувајќи ја „тактика на одложување“.

МИА

Локални избори 2021