среда, 19. јануари 2022. Вести денес: 82
home Вести

Холандија од денеска во тринеделен делумен карантин

Холандија од денеска во тринеделен делумен карантин
epa09351880 Travelers at Schiphol Airport in Schiphol, Netherlands, 18 July 2021. Just as the summer holidays have started for many, the Netherlands has color coded red on the European coronavirus map due to the increase in the number of covid-19 infections. EPA-EFE/Ramon van Flymen

Властите веруваат дека мерките се клучни за заштита на болниците во земјата од преоптоварување
Од денеска во Холандија на сила е делумен карантин, во услови на рекорден број случаи на заразени со коронавирус и загриженост за ширење на потенцијално позаразната нова варијанта омикрон.

Најмалку во следните три недели, угостителските и културните институции како што се кафулињата, музеите и кината мора да затвораат во 17 часот по локално време. Властите веруваат дека мерките се клучни за заштита на болниците во земјата од преоптоварување, пренесуваат агенциите.

Според Би-би-си, Холандија нема доволно слободни места за лекување на интензивна нега, операциите се откажани, а стотици луѓе умираат од ковид секоја недела.

Во петокот беа пријавени повеќе од 22 000 нови заразени на ден, а новите мерки се дизајнирани да ја стават под контрола рекордно високата стапка на инфекција.

Во меѓувреме, околу 60 луѓе се тестираат на новата варијанта. Сите тие неодамна пристигнаа со два лета од Јужна Африка, каде што беше откриен новиот вид омикрон претходно овој месец.

Патниците биле позитивни на ковид-19 и биле ставени во карантин во хотел во близина на аеродромот Шипхол во Амстердам, бидејќи ги поминале дополнителните тестови, соопштија холандските власти.

Светската здравствена организација соопшти дека варијантата е загрижувачка, а раните докази укажуваат на поголем ризик од повторна инфекција.

Бројни земји ширум светот ги забранија летовите до и од Јужна Африка и неколку соседни земји.

Белгија, Велика Британија, Италија и Германија досега регистрираа случаи на заразени со омикрон, а сите пристиигнале од африканските земји.

фото: EPA-EFE/Ramon van Flymen

Коронавирус