четврток, 26. ноември 2020. Вести денес: 130
Во живо

Натпартиски протест за одбрана на црвените линии кои се последниот бедем на нашиот идентитет

home Вести

Холандија: Марк Руте ќе се кандидира за четврт мандат

Холандија: Марк Руте ќе се кандидира за четврт мандат

Холандскиот премиер Марк Руте потврди дека ќе се кандидира на следните избори за нов мандат. Тој ќе ја предводи својата Народна партија за слобода и демократија на следните национални избори предвидени за 17 март. Ова го изјави премиерот во интервју објавено денеска во холандскиот дневен весник Де Телеграф.

– Би сакал повторно да бидам премиер, соопшти тој преку веб-страницата на партијата.

Конзервативната партија, позната под холандскиот акроним VVD, во моментов води во националните анкети, а набљудувачите го признаа силното лидерство на Руте во земјата во текот на изминатата деценија и пандемијата на коронавирус како главна причина за нејзината популарност.

„Заедно се соочуваме со огромен тест со вирусот. Ние сме 17 милиони луѓе кои се обидуваат да ја преминат планината со мапа што само делумно ни го покажува патот“, напиша тој. „Сакам да ги водам низ ова искушение.

Руте (53) ја презеде функцијата во 2010 година и предводеше три владини коалиции. Доколку, како што покажуваат анкетите, неговата партија освои најмногу места на изборите во март, тој ќе биде првиот што ќе се обиде да формира нова коалиција и да го започне својот четврти мандат. Руте во моментов ја предводи десноцентристичката коалиција, составена од четири партии.

Неговата популарност растеше во раните денови на пандемијата, кога успеа да ги балансира барањата на јавното здравство со потребата да се ублажат тешките економски ефекти од епидемијата.

Коронавирус