понеделник, 23. ноември 2020. Вести денес: 100
home Вести

Германски доктор им давал смртоносни инекции на болните со тешка форма на корона

Германски доктор им давал смртоносни инекции на болните со тешка форма на корона

Германската полиција соопшти дека отворила истрага за убиство против доктор од градот Есен за убиство на двајца тешко болни пациенти заразени со коронавирус, соопштија властите.

Лекарот (44), кој работел во Универзитетската болница во Есен од февруари, е осомничен за убиство на двајца мажи, на возраст од 47 и 50 години, кои биле на интензивна нега и биле заразени со коронавирус и имале потешка форма.

Тамошната полиција вели дека лекарот признал едно од убиствата, велејќи дека сакал да ги поштеди пациентот и неговите роднини од понатамошно страдање.

Билд известува дека лекарот ги информирал семејствата на пациентите пред да им даде смртоносна инјекција.

Пациентите во Германија можат да побараат помош за ставање крај на сопствениот живот врз основа на пресудата донесена минатата година, но сè уште е нејасно дали тоа се случило во овој случај.

Болницата во Есен соопшти дека лекарот бил суспендиран и бил испрашуван од полицијата.

Коронавирус