сабота, 19. јуни 2021. Вести денес: 47
home Вести

Франција го засили здравствениот протокол за училиштата

Франција го засили здравствениот протокол за училиштата

Министерството за образование на Франција, го ажурира својот протокол во случај на присуство на Ковид-19 во училиштата. Според новиот протокол, министерството прецизира дека часовите во претшколските одделенија сега мора да се затворат веднаш штом ќе се појави првиот случај на Ковид-19 меѓу учениците, јави дописникот на МИА.

-Појавата на потврден случај меѓу учениците имплицира дека другите ученици од одделението се идентификувани како ризични, подвлекува текстот. Конкретно, сите ученици од одделението се смета дека се изложени на ризик и ќе биде побарано „да останат дома седум дена“, што де факто резултира со затворање на одделението. Протоколот, кој е на сила во претшколските одделенија, не прави разлика помеѓу инфекции со вирусот или неговите варијанти.

Персоналот нема да биде идентификуван како контакт со ризик ако носи маска од категорија 1 или хируршка маска, што се препорачува уште од појавата на јужноафриканските и британските варијанти. Исто така, појаснувањето на потврден случај кај наставниците не значи дека учениците од одделението се сметаат за ризични контакти.

Во основното и средното образование, правилата се различни, бидејќи носењето маска е задолжително од 6-годишна возраст. Така, појавата на потврден случај меѓу наставниците или учениците во одделението не доведува автоматски учениците да се сметаат за ризични контакти.

Бројот останува, во овој случај, ист: „Во околност кога тројца ученици од исто одделение (од различни семејства) би биле позитивни за Ковид-19, тогаш учениците и вработените во одделението мора да се сметаат за ризични контакти. „Освен ако не се утврди дека ова е една од варијантите на вирусот, тогаш погоденото одделение ќе биде затворено по единечна појава.

Уште едно зајакнување на протоколот: во мензите сега е потребно растојание од два метра помеѓу групи на ученици, наспроти еден метар претходно.

ЕУРО 2020

Македонија