вторник, 7. јули 2020. Вести денес: 113
МЕГА БОМБА

Нова аудио бомба: Се гледам со Вице, дадоа зелено светло да му се зaпaли колата, Трајче Заев даде црвен картон да не работи ништо

home Вести

ЕУ покрена процес против Полска пред Европскиот суд на правдата

ЕУ покрена процес против Полска пред Европскиот суд на правдата

Европската комисија денеска реши да покрене постапка против Полска пред Европскиот суд на правдата, поради начинот на кој полскиот Парламент пристапи кон судските реформи.

Европските власти, предводени од полскиот претседател на Европскиот совет Доналд Туск, ја обвинуваат актуелната полска Влада дека именувала политички поддржувачи во Врховниот суд, и разрешила судии предложени од претходната влада, која беше под контрола на партијата на Туск. Варшава ги негира обвинувањата и тврди дека претходните судии биле именувани спротивно на законот и затоа биле разрешени.

Комисијата донесе одлука да ја покрене оваа постапка против Полска уште на почетокот на неделава, но го одложи нејзиното објавување за тоа да не влијае лошо на неформалниот самит на ЕУ во Салцбург. Освен Полска, на удар на Брисел е и Унгарија, против која Европскиот Парламент неодамна препорача да се покрене процедура со која Унгарците може да останат без правото на глас во ЕУ.

Брисел исто така решил да испрати ново предупредување до Британија, од која се бара да плати 2,7 милијарди евра поради нерегуларности во увозните процедури. (МИА)

Парламентарни избори 2020