петок, 29. јули 2022. Вести денес: 61
home Вести

ЕУ и Норвешка договорија зголемување на испораката на гас

ЕУ и Норвешка договорија зголемување на испораката на гас

Европска Унија се договори со Норвешка, најголемиот западноевропски производител на гас, да го зголеми снабдувањето со цел да го надополни недостигот од гас на земјите-членки на ЕУ, од кои половина се соочуваат со прекини во испораките од Русија.

Брисел соопшти дека 12 земји-членки се соочуваат со недостиг бидејќи Русија го намали транспортот преку гасоводот Северен поток 1, со образложение дека има технички проблеми.

Русија претходно ја прекина испораката на гас на Полска и на Холандија, како и кон други земји кои одбија да платат во рубљи.

Норвешка го зголеми производството на гас за да одговори на европскиот недостиг и очекува раст на продажбата од осум отсто на 122 милијарди кубни метри годишно.

ЕУ една петтина од потребите за гас ги снабдува од Норвешка, а од Русија, пред инвазијата врз Украина, увезуваше 40 проценти од вкупните потреби за гас.

Инвестирањето во нови наоѓалишта на гас ги зголемува стравувањата дека војната во Украина ќе означи враќање на старото и покрај ветувањата на многу држави дека постепено ќе ги исфрлат фосилните горива и ќе се префрлат на обновливи извори.

Коронавирус