четврток, 12. декември 2019. Вести денес: 115
home Вести

Ердоган: Неприфатливо е да ни забрануваат нуклеарно оружје

Ердоган: Неприфатливо е да ни забрануваат нуклеарно оружје

Турскиот претседател Реџеп Таип Ердоган синоќа изјави дека е неприфатливо државите кои имаат нуклеарно оружје да и забранат на Турција да се снабди со такво вооружување.

Ердоган сепак не откри дали Турција планира да го направи тоа.

– Некои земји имаат ракети со нуклеарни боеви глави, не една или две. Но ни велат дека не можеме да ги имаме.  Тоа не можам да го прифатам, рече Ердоган обраќајќи се пред членовите на неговата Партија за правда и развој во турскиот град Сивас.

Турскиот претседател нагласи дека не постои развиена земја на светот која нема нуклеарно оружје.

Турција во 1980 година го потпиша Договорот за неширење нуклеарно оружје, а во 1996 година Договорот за сеопфатна забрана на нуклеарни проби. (МИА)