четврток, 21. октомври 2021. Вести денес: 0
home Вести

ЕП може да испрати инспекција во Бугарија за европските средства

ЕП може да испрати инспекција во Бугарија за европските средства

Претседателката на комисијата на Европскиот парламент за буџетска контрола, Моника Холхајмер (ЕПП), предложи европратеници да отпатуваат во Бугарија за да проверат на лице место за усвојување на европскиот буџет. Предлогот го даде на состанокот на парламентарниот комитет, на кој се дискутираше за санкциите на САД против бугарските граѓани според законот „Магнитски“.

Холхајмер објасни дека европратениците сакаат да бидат сигурни дека европските средства се користат правилно и дека се потребни законски измени за да се избегнат злоупотреби, јави БТА.

-Веќе некое време сме загрижени дека може да има измама со фондовите на ЕУ и мешање од странски земји како Русија и Турција, додаде таа.

Зборувајќи пред претставниците на парламентарните групи на ЕПП рече дека без оглед кој владеел, сомнежите за злоупотреба треба да се испитаат. Според оваа парламентарна група, бугарскиот организиран криминал често се фокусира на апсорпција на средства за земјоделство.

Социјалистите и демократите посочија на примери за повреди во Бугарија во последните месеци и повикаа на истраги и одговорност. Зелените додадоа дека јавните набавки во Софија ги освојуваат тесен круг компании без конкуренција.

Локални избори 2021