понеделник, 28. септември 2020. Вести денес: 0
home Вести

ЕК претстави 14 мерки во случај Велика Британија да ја напушти ЕУ без договор

ЕК претстави 14 мерки во случај Велика Британија да ја напушти ЕУ без договор

Европската комисија денеска претстави 14 мерки, кои ќе се применат, ако Велика Британија ја напушти ЕУ без договор во дадениот рок, односно кон крајот на март следната година.

Се потенцира дека мерките опфаќаат „ограничен опсег“ области, кои се директно поврзани со животите на граѓаните и компаниите во ЕУ. Овие области вклучуваат финансиски услуги, воздушен транспорт, царинска работа, политика за заштита на животна средина. Комисијата нагласи дека е подготвена да ги спроведе овие мерки од 30 март, за да ја ограничи штетата на неочекувано повлекување на Велика Британија.

Комисијата предупредува дека мерките нема да успеат да ги ограничат штетите до степен, кој ќе може да го спроведување договорот постигнат со Лондон. Според ЕК, предлогот ги штити само „виталните интереси” на ЕУ. Мерките ќе бидат времени и треба да бидат едногласно одобрени од земјите на ЕУ.

ЕК ги повикува членките на ЕУ да бидат „добронамерни” кон британските граѓани во својата земја, ако истиот однос го покажуваат британските власти кон Европејците на Островот. Според Комисијата, би било во ред Британците што живеат во Европа да го задржат своето законско право на престој, по повлекувањето на нивната земја од ЕУ. ЕК предлага, ако Британија не наметне визи за граѓаните на ЕУ,  на Британците, исто така, да не им се потребни европски визи.

Во областа на финансиите е предложен еднократен рок од 12 до 24 месеци за зачувување на работата на релевантните институции во вакви услови. Во областа на патничкиот и товарен транспорт, предвиден е период од девет до 12 месеци за извршување на „некои услуги” меѓу ЕУ и Велика Британија, ако истото однесување го прифати и британската страна.

Во случај на царински давачки за стоки, кои се движат меѓу ЕУ и Велика Британија, се предвидува да се примени законодавството на Заедницата.

За прашањата поврзани со животната средина, од 1 јануари се очекува да се намалат можностите на Велика Британија да тргува со штетните емисиите на гасови со ефект на стаклена градина.

ЕК го повикува Советот на ЕУ и Европскиот парламент брзо да ги усвојат овие законски предлози. Се забележува дека, ако договорот со Лондон биде потврден во предвидените роковите, правото на ЕУ ќе продолжи да се применува од британската страна до 1 јануари 2021 година. Во спротивно, европското право ќе престане да важи од 30 март следната година, а предложените мерки ќе стапат во сила ако тие бидат поддржани од Советот на ЕУ и европарламентарците.

МИА

Коронавирус