четврток, 16. септември 2021. Вести денес: 52
home Вести

ЕК: Авиокомпанијата „Рајанер“ ги крши правата на своите патници

ЕК: Авиокомпанијата „Рајанер“ ги крши правата на своите патници

Европската комисија денеска ги повика телата на ЕУ задолжени за заштита на правата на потрошувачите да извршат проверка на неодамнешните промени во политката на ирската нискобуџетна авиокомпанија „Рајанер“ за исплата на отштета.

Според Еврокомисијата, со новите правила на „Рајанер“ се кршат правата на клиентите на компанијата.

Со изменетите правила на „Рајанер“ се превидува незадоволните клиенти да можат да бараат обесштетување од компанијата само преку судовите во Ирска.

– Со загриженост ја прочитав информацијата за „Рајанер“. Факт е дека патниците ќе можат да поднесуваат тужби само Ирска, што очиглено е во спротивност со правилата (на ЕУ), објави на Твитер еврокомесарката за правда, заштита на потрошувачите и еднаквост меѓу половите Вера Јоурукова.

„Рајанер“, кој се соочува со серија штрајкови на вработените, соопшти дека на патниците ќе им враќа пари за купените билети за летовите што се откажани, но дека нема намера да им плаќаат отштета поради тоа.

Коронавирус