понеделник, 1. август 2022. Вести денес: 166
АКТУЕЛНО

ДЕТАЛИ ЗА ТРАГЕДИЈАТА: Три лица загинаа откако со возило излетале од коловоз

home Вести

Едно лице убиено и десетици повредени во протестите во Еквадор

Едно лице убиено и десетици повредени во протестите во Еквадор

По повеќедневните насилства низ Еквадор, демонстрантите вчера се судрија и со војниците и со полицајците во главниот град Кито, но и во другите градови низ земјата, при што едно лице е убиено, а десетици се повредени.

Еквадорските домородни народи веќе дванаесет дена протестираат низ Еквадор, со барање до владата да ги намали цените на горивата, да воведе контрола врз цените на храната и повеќе да инвестира во образованието.

Конфедерацијата на домородни народи, која го организираше штрајкот, соопшти дека едно лице починало од прострелни рани здобиени додека протестирало во близина на Националното собрание.

Властите признаа дека едно лице е убиено, а министерот за внатрешни работи изрази револт поради полициското однесување. Тој изјави дека владата на полицијата не и одобрила никаква употреба на оружје со муниција и дека вчера таа носеле само солзавец за да ги растераат демонстрантите.

Волонтер болничар за американските медиуми изјави дека на околу 100 лица им била укажана медицинска помош поради повреди на местото на протестот, вклучително и демонстранти, војници и полицајци.

Демонстрациите се дел од поширокиот национален штрајк, што Конфедерацијата на домородни народи го почна на 14 јуни и со него бара намалување на цените на горивата, воведување контрола на цените на земјоделските производи и усвојување поголем буџет за образование.

Коронавирус