Опасноста од воен судир околу Сирија ја намали вредноста на американскиот долар. Индексот во кој доларот се споредува со шесте други најголеми валути покажа пад на доларот од 0,1 процент, а падот во споредба со јапонскиот јен изнесуваше 0,3 проценти.

Пазарите веќе беа погодени од заканите за трговска војна меѓу САД и Кина, откако претседателот Доналд Трамп нареди воведуње тарифи за увоз на челик и алуминиум. Нервозата на пазарите се смири во изминатите денови, но повторно ескалираше по хемискиот напад во Сирија и заканата на Трамп дека воено ќе одговори против сирискиот водач Башар ал Асад.

Во истиот индекс, еврото порасна за 0,2 проценти. Порастот се должи на најавата на Европската централна банка дека до крајот на годинава ќе ја запре својата седум години долга програма за квантитативно олеснување, односно купување акции од компании на европските берзи.