Прославата на мајките и мајчинството датира од античка Грција и Римјаните, кои одржувале фестивали во чест на мајките божици Реа и Кибела.
Современиот американски празник Денот на мајката за прв пат беше прославен во 1908 година, кога Ана Џарвис одржа комеморација за нејзината мајка во Графтон, Западна Вирџинија. Нејзината кампања за признавање на „Денот на мајката“ како празник во САД започна во 1905 година, кога почина нејзината сакана мајка Ен Ривс Џарвис. Мисијата на Ана беше да ја почести својата мајка продолжувајќи ја работата што ја започна и да одвои еден ден во чест на мајките затоа што веруваше дека тие се „личност која направила повеќе за вас од кога било на светот“. Мајката на Ана, Ен Џарвис, била активист за мир и се грижела за ранети војници од двете страни на Американската граѓанска војна и го основала „Клубот за работа на денот на мајката“, кој се занимавало со јавно-здравствени проблеми.
Благодарение на напорната кампања на Ана Џарвис, неколку држави официјално го признаа „Денот на мајката“, прва во 1910 година беше Западна Вирџинија. Во 1914 година, Вудроу Вилсон потпиша проглас со кој се создава „Денот на мајката“, втората недела во мај, како национален празник во чест на мајките.
Иако Џарвис била успешна во основањето на „Денот на мајката“, таа набрзо се огорчила од комерцијализацијата и се налутила што компаниите ќе профитираат од празниците. До раните 1920-ти, Холмарк и други компании започнале да продаваат честитки за Денот на мајката. Џарвис станала толку огорчена од она што го сметала за погрешно толкување и експлоатација, па протестирала и дури и се обидела да го укине „Денот на мајката“. Празникот на кој толку многу работела, требало да претставува емоции, а не профит. Првичната намера била да ги ценат и почитуваат мајките со пишување лични писма, рачно, изразување љубов и благодарност, а не купување подароци и честитки. Џарвис организирала бојкот и најавила тужби во обид да се запре комерцијализацијата.
Празникот на Џарвис е усвоен од други земји и сега се слави низ целиот свет, според Википедија.
