понеделник, 26. октомври 2020. Вести денес: 0
home Вести

Даночен скандал ја тресе Шпанија: Украдени 6,2 милиони евра од 38 славни спортисти

Даночен скандал ја тресе Шпанија: Украдени 6,2 милиони евра од 38 славни спортисти

Високопозиционирана службеничка во шпанската даночна управа предизвика даночен мега-скандал кој ја тресе Шпанија, откако беше откриено дека заедно со уште три лица успеале да ги земат податоците на 38 врвни спортисти и од нивните сметки да украдат 6,2 милиони евра.

Леонор Санчез Кабаљеро, вработена во даночната управа преку лажиран поврат на ДДВ, заедно со останатите лица незаконски присвоиле 6,2 милиони евра. Меѓу спортистите има и репрезентативци од регионот, како поранешниот хрватски кошаркар Донтаје Дрејпер, босанскиот фудбалер Емир Спахиќ и словенечкиот кошаркар, Мирза Бегиќ.

Најмногу е оштетен турскиот интернациоанлен фудбалер Нури Шахин, од кого се украдени 1.212.158 евра, за периодот додека играл во Реал Мадрид.

Ова е наведено во обвинението на 26 страници. Санчез-Кабаљеро е обвинета дека во соработка со тројца мажи, од кои двајцата адвокати, ги искористила доверливите податоци, врз основа на кои тие фалсификувале документи, потписи на спортистите и налози за испалта во периодот од февруари 2015 до ноември 2016 година.

Барањето за поврат на данок било испратено преку две компании , на кои даночната служба им ги исплатила парите. И тие се обвинети за соучесништво во измамата.

„Се побаруваше враќање на данок во име на повеќе фудбалери и кошаркари кои играа во шпанските клубови, за што тие не знаеја“, се вели во обвинението, наведувајќи 38 примери на претежно странски спортисти.

Обвинетите се соочуваат со затворска казна од девет до 11 години.

Коронавирус