сабота, 25. јуни 2022. Вести денес: 17
home Вести

Чиле одново ги отвори копнените граници

Чиле одново ги отвори копнените граници

Чилеанските власти објавија дека повторно се отворени 22 гранични премини затворени на 17 март 2020 година поради пандемијата со Ковид-19.

За тоа време, границите со Аргентина, Боливија и Перу беа отворени за стоки, но на луѓето не им беше дозволено да преминат. „Од оваа недела, 1 мај, граничниот сообраќај ќе се нормализира“, објави чилеанското Министерство за внатрешни работи на Твитер.

Епидемијата со Ковид-19 во Чиле се стабилизира, иако продолжуваат да се применуваат санитарни мерки, главно за странци кои не се постојани жители.

Границите може да се преминат без ограничувања. Сепак, по пристигнувањето во Чиле, патниците може да бидат подложени на случајни тестови. Здравствените документи се пополнуваат и странците кои не се постојани жители мора да имаат здравствено осигурување во случај да треба да се лекуваат од КОВИД-19.

Земјата со повеќе од 19 милиони луѓе регистрирала 3,5 милиони случаи, од кои 57.539 завршиле фатално.

Коронавирус