сабота, 15. август 2020. Вести денес: 0
home Вести

Чавушоглу: Ќе го информираме УНЕСКО за Аја Софија

Чавушоглу: Ќе го информираме УНЕСКО за Аја Софија

Турскиот министер за надворешни работи Мевлут Чавушоглу денеска изјави дека Анкара ќе го извести УНЕСКО за чекорите преземени во врска со Аја Софија, откако на музејот ќе му биде вратен статусот на џамија.

Врховниот суд на Турција на 10 јули ја поништи одлуката на Советот на министри од 1934 година, со која џамијата Аја Софија е претворена во музеј. Потоа, со одлука на турското Претседателство, Аја Софија беше префрлена под ингеренции на Управата за верски работи на Турција (Дијанет).

Турскиот претседател Реџеп Таип Ердоган потпиша указ и најави дека првата молитва во Аја Софија ќе се одржи на 24 јули.

УНЕСКО во петокот објави дека ќе го преиспита статусот на тој културен споменик на списокот на Светско наследство.

Аја Софија девет векови била православна црква пред да биде претворена во џамија по освојувањето на Отоманската империја. (МИА)

Коронавирус